MICHEZO:DAVID BECKHAM KUIHAMA (LA GALAXY) MWEZI DESEMBA MWAKA HUU.

David Beckham

                        Nahodha wa zamani wa Manchester United na timu ya taifa ya England David Beckham anayekipiga katika klabu ya Los Angels Galaxy almaarufu La Galaxy ya nchini Marekani leo ameweka wazi juu ya uamzi wake wa kuihama timu yake hiyo kwa sasa(La Galaxy) baada ya kumalizika kwa ligi kuu nchini marekani maarufu kama MAJOR LEAGUE SOCCER ifikapo mwezi Desemba mwaka huu.                        Beckham alianza kusukuma gozi akiwa na umri wa miaka 14 katika klabu ya Manchester United na kuisaidia Man U kutwaa taji la ligi kuu nchini Uingereza kwa sasa English Premier League(EPL) mara sita na lile la klabu bingwa barani Ulaya kwa sasa UEFA Champions League kabla ya mwaka 2003 kutimkia katika klabu ya Real Madrid na mwaka 2007 kuhamia nchini Marekani na katika klabu ya La Galaxy.

David Beckham akiwa katika uzi wa La Galaxy: picha na reuters

Beckham mwenye umri wa miaka ipatayo 37 amesema kwa sasa anahtaji changamoto zingine zaidi kabla umri wake wa kustaafu soka haujawadia huku akijivunia miaka yake sita akiitumikia La Galaxy mpaka hivi sasa.
           Pamoja na taarifa hizo lakini kumekuwepo na taarifa kuwa huenda mchezaji huyo akajiunga na klabu ya Melbourne ya nchini Australia taarifa ambazo zinaelezea mchakato wa Beckham kujiunga na klabu hiyo kuwepo jambo ambalo yeye amekanusha na kusema hana mpango wowote na wala hafikirii kucheza ligi ya Australia maarufu kama A League.

Beckham akiiwajibikia timu yake ya La Galaxy katika moja ya mechi alizowahi kuichezea.