KANISA LASHAMBULIWA MJINI MISRATA NCHINI LIBYA HUKU RAIA WAWIL WA MISRI I WAPOTEZA MAISHA

Ndani ya kanisa hilo

             Shambulio lililotekelezwa dhidi ya kanisa moja la Coptic mijini Misrata limesababisha raia wawili wa Misri na wengine wawili kujeruhiwa vibaya.Hata hivyo bado haijajulikana ni nani ametekeleza shambulio hilo na pia haijafahamika ni lini limetokea katika maeneo ya Dafiniyah mjini Misrata.
              Akizungumza na vyanzo vya habari hii,Afisa mmoja wa baraza la mji huo amesema  kuwa kumetokea milipuko ndani ya jengo la kanisa hilo wakati watu wanne wanaosadikika kuwa ni waumini walipokuwa wakipata chakula,ambapo pia ameongeza kuwa shambulio hilo lilikuwa la kujitengenezea,kwani baruti zilizohusika ni zile ambazo hutumiwa na wavuvi.
               Naye waziri wa mambo ya nje wa Misri bw.Mohammed Kamel Amr amesema kuwa Serikali ya nchi hiyo imeagiza uchunguzi wa kina ufanyike na wataokamatwa kuhusika na shambulio hilo watachukuliwa hatua.Kanisa hilo lililoko eneo la Dafiniyah mjini Misrata hutumiwa na raia wengi wa Misri kufuatia na kuwepo na idadi ndogo ya wakristu nchini Libya wengi wao wakiwa ni wa kigeni hususani toka nchini Misri ambao hufanya ibada katika dhehebu hilo ambalo ndilo dhehebu pekee kubwa nchini Libya.

Viongozi wa kanisa la Coptic wakiwa katika sala.

                    Tangu kuondolewa madarakani kwa kiongozi wa zamani wa taifa la Libya serikali ya nchi hiyo imekuwa ikikabiliana na matatizo ya kiusalama mpaka sasa.Tumeshuhudia siku za hivi karibuni mashambulio ya kigaidi dhidi ya majengo ya balozi mbalimbali na yale ya mashirika ya kutoa misaada,tukio la mwezi Septemba mjini Benghazi balozi wa Marekani na maafsa wengine nchini Libya waliuawa kufuatia shambulio lililofanywa katika ubalozi wa Marekani nchini humo.

Moja ya jengo yaliyobomolewa na shambulio hilo mjini Misrata